Պատմություն

     Ընկերության արմատները սկսվում են հեռավոր 1952 թվականից, երբ Գործունյան Գուրգենը, տտեղափոխվեց Կամերուն` իր հետ ունենալով ընդամենը, պարտքով վերցված, 20.000 ֆրանկ: Նա և իր Ֆրանսիացի ընկերը որոշեցին հաստատել իրենց սեփական գործունեությունը: Հինգ տարիների ընթացքում նրանք կառուցեցին “Les Etablissements Gortzounian”, որը գործունեություն էր ծավալում սուրճի ոլորտում: Ընկերությունն ուներ 6 ժամանակակից փիլինգ գործարաններ: 40 տարիների ընթացքում, Գործունյանների ընտանիքը հանդիսանում էր կամերունի խոշորագույն արտահանող` տարեկան 26 – 30 տոննա սուրճի արտահանմամբ: Նրանք նաև հսկում էին Կամերունի սուրճի արտադրության ավելի քան մեկ երրորդը: Տարիներ անց, Վալերի Գործունյանը, Գուրգեն Գործունյանի դուստրը, օգտագործելով իրեն հայտնի գիտելիքները սուրճի ոլորտում, հիմնեց բիզնեսի նոր ուղվածություն:

Ժամանակակից  պատմություն

     Համատեղելով իր գիտելիքները իր ամուսնու` Վազգեն Ասատրյանի փորձի հետ, Վալերի Գործունյանը աջակցեց Հայաստանի Հանրապետության բնակչությանը` բերելով իր հետ Ֆրանսիական բիզնես ոգին և ստեղծելով հավելյալ աշխատատեղեր: 1995 թվականին հիմնվեց առաջին “Փարիզյան Սուրճ” խանութ-սրճարանը, որն ուներ 17 աշխատակից: 

     Ընկերությունը մինչ այսօր իրականացնում է բոլոր գործընթացները` սկսած սուրճի ներմուծումից լավագույն պլանտացիաներից (Եթոֆպիա, Կենյա, Գվատեմալա, Կամերուն, Հոնդուրաս, Կոլումբիա, Կոստա-Ռիկա) վերջացնելով պատրաստի արտադրանքի վաճառքով: 2003 թվականին, Հայաստանում Ֆրանսիայի դեսպան Հենրի Կունին, հիմնեց “Փարիզյան Սուրճ” բիստրոն: Այն արագորեն դարձավ վայր հաճելի ժամանակ անցկացնելու և բարձրորակ սուրճ ըմպելու համար: