Աշխարհի լավագույն սուրճերի տեսակները մեկ անվան տակ


«Փարիզյան Սուրճ» ՍՊԸ-ը զբաղվում է պրեմիում կարգի սուրճի արտադրությամբ` սկսած 1995 թվականից: Ավելի քան 20 տարիների գործունեության ընթացքում մենք հասցրել ենք գրավել բազում հաճախորդների սրտեր մեր բարձրորակ արտադրության շնորհիվ: Մեր ծառայությունների շրջանակը ներառում է B2C, B2B և HoReCa ոլորտները:




Մեր գործունեության ցիկլը սկսվում է հատընտիր կանաչ սուրճի ներկրմամամբ` Եթովպիայից, Կոստա-Ռիկայից, Հոնդուրասից և մի շարք այլ երկրներից` հայտնի իրենց բարձրորակ Արաբիկա և Ռոբուստա սուրճի տեսակներով: Մինչ ՀՀ ներմուծումը` սուրճի հատիկները անցնում են զատման երկու փուլ: Այս եղանակով մեր փաթեթավորված սուրճը պարունակում է հատընտիր և մեծ տրամագիծ ունեցող սուրճի հատիկներ:


Արաբիկա սուրճի հատիկները բովվում են մինչ իրենց միջին աստիճանի հասնելը: Սուրճի որակը և համային բարձր չափանիշները ապահովելու համար կարևոր է այն բովելուց հետո պահպանել հատուկ նախատեսված վայրում: Հետևելով այս չափորոշիչներին՝ մենք պահպանում ենք սուրճի լավագույն բույրը և որակային հատկանիշները:

Պատրաստի արտադրանքը առաքվում է Երևան քաղաքի գրեթե բոլոր վաճառակետեր, ՀՀ բոլոր մարզեր, ինչպես նաև վաճառվում է մեր մասնագիտացված  խանութներում: «Փարիզյան Սուրճ»-ը նաև արտահանվում է ԱՄՆ և Ռուսաստանի Դաշնություն: